UNTL sai primeiru lugar ba kompetisaun dala rua iha SEJD

DILI- Sekretariu Estadu Juventude no Desportu  SEJD loke kompetisaun ba dala rua ho tema “Promove Espiritu Kompetitivu Foinsa'e Sira ba Dezenvolvimentu ICT /  TIK iha Timor Leste” ba nivel universitariu iha Dili. Kompetisaun ne’e  hala’o iha 26 Junhu 2015 ne’ebe kompete  husi  Universidade Nasional Timor Lorosa’e UNTL, Universidade Timor Oriental UNITAL, Dili Institute of Technology  DIT, Institutu Profissional de Canossa IPDC no Institute of Business IOB.

Iha kompetisaun ne’e  ekipa husi universidade ida  - ida ho nia ekipa kada ekipa hamutuk ema nain 5 mak kompete. Ekipa ne’ebe sai hanesan kampionatu ka manan na’in ba kompetisaun dala rua iha SEJD mak  Universidade Nasional Timor Lorosa’e (UNTL), segundu lugar mak  Dili Institute of Technology (DIT) terseiru lugar mak Institute Of Business IOB. Iha kompetisaun ne'e hetan apoiu husi Sekretariu Estadu Juventude no Desportu (SEJD) no organiza husi Fundasaun Dezenvolvimentu Software Livre (FDSL).