UNTL sai terseiru lugar ba kompetisaun dala uluk iha SEJD

DILI- Sekretariu Estadu Juventude no Desportu  SEJD loke kompetisaun ba dala uluk ho tema “Promove Desportu Liu Husi ICT” ba nivel universitariu iha Dili. Kompetisaun ne’e  hala’o iha 16 Maiu 2014 ne’ebe kompete  husi  Universidade Nasional Timor Lorosa’e UNTL, Universidade Timor Oriental UNITAL, Dili Institute of Tecnologi  DIT, Institutu Profissional de Canossa IPDC no Institute of Business IOB.

Iha kompetisaun ne’e  ekipa husi universidade ida hamutuk ema nain 10 mak halo blog ida, nebe liu husi www.blogger.com .   Ekipa blogger UNTL nain 10 ne’ebe tuir kompetisaun ne’e mai husi Faculdade de Engenharia no Departementu Informatica.

Informasaun ne’ebe ekipa blogger UNTL tau iha blog mak desportu husi “Federasaun Shorinji Kempo iha Timor Leste FSKTL”.

Durasaun ne’ebe ekipa blogger sira utiliza iha prosesu  halo blog ne’e hamutuk oras 2 ne’ebe hahu husi tuku 02:30 lokraik to’o tuku 04:30 lokraik. Maibe ekipa juri mos fo sai kedas resultadu husi kompetisaun ne’e. Ekipa ne’ebe sai hanesan kampionatu ka manan na’in ba kompetisaun dala uluk iha SEJD mak Institute Of Business IOB, segundu lugar mak Institutu Profesional de Canossa IPDC no terseiru lugar mak Universidade Nasional Timor Lorosa’e UNTL.)